कार्तिक २८, सोलुखुम्बु
विश्वको सर्वोच्च शिखर सगरमाथा क्षेत्रलाई जोड्ने एकमात्र मोटरेबल पुल उद्घाटनको भब्य तयारी गरिदैछ । उद्घाटन समारोह भव्य र सफल बनाउनलाई माप्य दुधकोशी गाँउपालिका तयारीमा जुटिरहेको गाउपालिका अध्यक्ष बुद्धी किरण राईले जानकारी दिनुभयो । उहाँले सम्पुर्ण गाँउपािलका बासीहरुलाई कार्यक्रममा उपस्थित भई कार्यक्रम सफल पार्नको लागि समेत आव्हान गर्नु भएको छ ।
आँउदो मंसिर ६ गते प्रदेश नं १ का मुख्यमन्त्री शेरधन राईले पुलको औपचारीक उद्घाटन गर्नुहुनेछ ।
मन्त्री राई, संगै प्रदेश नं १ का अर्थमन्त्री इन्द्रहाङ आङबो, प्रदेश राज्य मन्त्री अंबिरबावु गुरुङ, प्रनिनिधी सभा सदस्य माननीय हेमकुमार राई(सुरबीर), प्रदेश १ नेकपा संसदीय दलका प्रमुख सचेतक समेत रहेका प्रदेश सभा सदस्य माननीय बुद्घिकुमार राजभण्डारी, प्रदेश सभा सदस्य माननीय उत्तम कुमार बस्नेत, जिल्ला समन्वय समिति सोलुखुम्बुका प्रमुख बीरकुमार राई लगायत सोलुखुम्बु जिल्लाका विशिष्ट व्यक्तिहरुको विशेष उपस्थिति हुनेछन । मुख्यमन्त्री राई लगायतका टोलीले ओर्लाङघाट माप्य खुम्बु माटेरेबल पुलको रिवनकाटी औपचारिक उद्घाटन गरी माप्य दुधकोशी गाँउपालिका वडा नं १ को जुभिङ मा.वि. पुगि कार्यक्रमलाई पुर्णता दिईने गाँउपालिकाले जनाएको छ ।
अब बिश्वको सबोच्च शिखर सगरमाथालाई नजिकबाट नियाल्न साथै हिमाली खुम्बु भेगको मनोरम दृश्यको अवलोकनको मज्जा लिनलाई हवाईजहाज नै चढेर जानु पर्ने बाध्यताको अन्त्य करिब निश्चित भएको छ । देशको गहनाको रुपमा ठानिएको विश्वको सर्वोच्च शिखर सगरमाथा क्षेत्र प्रवेश गर्न अब मौसमको अनुकुलतालाई कुरेर बस्नु पर्ने दिन हटेर गएको र माथिल्लो खुम्बु क्षेत्र हुदै तल्लो क्षेत्रमा पनि पर्यटकीय गन्तव्य निमार्ण गर्नलाई यस माटेरेबल पुलले महत्वपुर्ण भुमिका निर्वाह गरेको साथै माप्य दुधकोशी गाउपालिकामा पर्यटन प्रद्घदनका थुप्रै योजनाहरु पनि सुरु भईसकको गाउपालिकाका उपाध्यक्ष जुनिता माया मगरले जानकारी गराउनु भयो ।
सगरमाथा क्षेत्रलाई सिधा जोड्नलाई सघिय सांसद कोष, प्रदेश सरकार, माप्य दुधकोशी गाउपालिका र खुम्बु पासाङल्हमु गाउपालिकाको संयुक्त लगानीमा उक्त मोटरेबल पुलको निर्माण भएको हो ।
