मंसिर २४ मंगलबार २०७६
मंगलबार दशरथरंगशाला स्थित भएको फाईनल खेलमा २(१ गोल अन्तरले हराउदै नेपालले १३औं दक्षिण एसियाली खेलकुद (साग) अन्तरगत पुरुष फुटबलको स्वर्ण नेपालले जितेको छ । साग फुटबलमा नेपालको यो लगातार दोस्रो पटक उपाधि हो भने समग्रमा चौथो रहेको छ ।यो संगै दक्षिण एसियाली खेलकुद (साग) फुटबलमा नेपाल फेरि च्याम्पियन बनेको छ ।
अभिषेक रिजालले सिक्सयार्ड बक्सभित्र मौका पाएपछि दाहिने खुट्टाले गोल हान्दै खेलको १७ औं मिनेटमा नेपाललाई अग्रता दिलाएको थियो ।
त्यस्तै खेलको ३७ औं मिनेटमा भुटानी कप्तान चेन्चो ग्याल्सेनले गोल फर्काएर बराबरी बनाएका थिए ।
खेलको ५४ औं मिनेटमा सुनिल बलले हेडिङबाट गोल थपेपछि नेपालको जित हुनेमा आम नेपाली दर्शक ढुक्क थिए । सुनिलको गोल नै खेलका लागि अन्तिम गोल रह्यो।
तीन वर्षअघि भारतमा भएको सागमा नेपालले आयोजक भारतलाई हराएर स्वर्ण जितेको थियो । आज खेलमा स्वर्ण जितेसँगै नेपालले पाकिस्तानसँगको रेकर्ड बराबर गरेको छ ।
साथै १३औं दक्षिण एसियाली खेलकुद (साग)को आजै समापन हुनेछ ।
